FODY (Fredy Jaofera)

FODY



Fody maromaro raha vao maraina
no misiotsioka sy tia manaitra
ny nofo matory mbola malaina
hiatrika adidy mba zary raitra.



Fody maromaro raha vao maraina
no mifanenjika sy mahay mivazo
eny amin'ny rehetra izay lazaina
be bozabozaka sy voninkazo.



Fody maromaro raha vao maraina
no misidintsidina sy toa miserana,
mikalokalo tsy mahay mangaina,
mamelombelona tsy azo ferana.



Fody maromaro raha vao maraina
miriotra miakatra ny habakabaka,
miara-midola sy toa mahazo aina,
manetsika lava ny hivavabavaka.




Fredy JAOFERA
--------