FOTSINY (Fredy Jaofera)

FOTSINY





Tsy fahoriana fotsiny
no gohana eto an-tany
raha efa ranofotsiny
ny derako eto izany.



Tsy tebiteby fotsiny
no lahatra sy anjara
raha efa rotsirotsiny
‘reny soa nambara !



Tsy ady mafy fotsiny
no sedra lalandava
raha efa ny votsiny
iny vaky sy nisava.



Tsy alahelo fotsiny
no entin’ito taona
raha ny volafotsiny
iny hita lavi-tsaona.








Fredy JAOFERA
--------