HO AN'NY FAHASALAMANA (Fredy Jaofera)

HO AN'NY FAHASALAMANA




Tsara ny hasambarana
ho an'ny fahasalamana
fa tonga dia varavarana
mamoha hery igagana.



Tsara ny lalam-pifaliana
ho an'ny fahasalamana
fa tonga dia hamamiana
tsaroana mahatamana.



Tsara ny tsara torimaso
ho an'ny fahasalamana
fa tonga dia ireto maso
mikimpy mora tsy tana.



Tsara ny mitia fitoniana
ho an'ny fahasalamana
fa tonga dia tsy zovina
ny vazo tsy hay fafana.




Fredy JAOFERA
--------