HO AVY NY FOTOANA (Fredy Jaofera)
Pas encore lu
(Nalaina tao amin'ny vetso.serasera.org)
HO AVY NY FOTOANAHo avy ny fotoana
tsy hisy fanaintainana,
mbola hahamoana
an'reo ratsy ny fisainana.
Ho avy ny fotoana
tsy hiainam-pahantrana,
tsy hisy ny noana
fa filaminana higagana.
Ho avy ny fotoana
tsy hipoiram-pahoriana,
ho hita hanoloana
ireo ambara ho fitahiana.
Ho avy ny fotoana
tsy hizoram-paharesena,
hampitraka foana
ho rehareham-pirenena.
Fredy JAOFERA
--------
Lien:
Catégorie :
Ahy - Embona - Tanindrazana - Fahatsiarovana - Fananarana - Fiaraha-monina - Eritreritra mandalo - Fiainana - Aingam-panahy
