IMPIRY IANAO ?... (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
IMPIRY IANAO ?...





Impiry ianao nifofotra
sy angamba nidofotra
vao tody izay nirina
na azo re ny tiana ?




Impiry ianao nikatsaka,
ny tomany aza latsaka
vao indro nisantarana
ny valin-kasasarana ?




Impiry ianao niroboka
hioty izay voaloboka
vao moramora azo
sy nahenoana vazo ?




Impiry ianao nitolona
mba ho toy ny olona
vao nisy fandresena
toa tsy hay fefena ?...




Aza kivy lalandava
fa ho avy ny Mazava,
hipoitra ilay maraina
hany nandrandraina.




Fredy JAOFERA
--------
Rohy:
400 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 28/07/2019 22:23
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0117