ISAKA MARAINA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ISAKA MARAINAIsaka maraina,
mivavaka aho aloha
hisy antenaina
ny adidy vao mifoha.
Isaka maraina,
mampiasa hery vao
tena mba ilaina
hampety izay atao.
Isaka maraina,
misy ezaka ombieny
azo eto efaina
ho bainga lavareny.
Isaka maraina,
misy vintana mivay
mbola lalaina
raha potraka indray.
Fredy JAOFERA
--------
Rohy:
Sokajy :
Ahy - Embona - Fananarana - Fiaraha-monina - Eritreritra mandalo - Fiainana - Aingam-panahy
