IZAHO (Fredy Jaofera)

IZAHO




Izaho, tsy hiverina
amin'iny lalana efa nandratra,
fa tsy azo leferina
izay nanadala sy mba nihatra.



Izaho, tsy hitodika
any amin'ireo nampidi-kizo
fa namotipotika
toa tsisy farany no nampizizo.



Izaho, tsy hamoha
ny efa natao hatory amin'izay
fa mafy tokoa
raha mangingina no zavatra hay.



Izaho, tsy hamelona
ny efa natao ho faty any ho any
raha olombelona
mikatsaka lava ny mety aok'izany.




Fredy JAOFERA
--------