Izaho ve no adala - Fredy Jaofera

Azo vakiana?

Izaho ve no adala f’efa olona tsy tiana
Dia asainy mbola hotiavina
Sa iriny ny hampahosa sy ho feno fijaliana
Hahazoany izay tadiavina ?
     Izaho ve no adala f’efa andry tsy antenaina
     Dia terena mbola hiankinana
     Sa metimety aminy ny ananan-tebin-tsaina
     Sy ny tsy hahazo fanambinana ?
Izaho ve no adala f’efa aloka nandavo
Dia asainy mbola hiverenana
Sa mahasoa azy ny tsy ahafahako miravo
Sy ny hananam-panenenana ?
     Izaho ve no adala f’efa ratsy lavareny
     Dia terena mbola harahiko
     Sa ny hahapotika ahy no efa tiany ombieny
     Ka hampahory ny fanahiko ?
Fredy JAOFERA

Mombamomba

Mpanoratra : Fredy Jaofera

Nampiditra : hery
Daty : 04/02/2004
Mpamangy : 1751
Mankafy : 0

Tononkalo hafa

MAFY TORIMASO
MIANARA
OMEO
AM-PITIAVANA
REHEFA TSARA IANAO
INDRAY LOHATAONA
AZA MIARAKA AMIN'NY ADALA
HIPOITRA NY KINTANA
SAINA AMBANY
HABOBO