You are here: home > Vetso

IZAY MAMONJY FIRENENA - Fredy Jaofera

Azo vakiana?





IZAY MAMONJY FIRENENA





Izay mamonjy firenena
dia tsy mandika lalàna
fa mandala fahendrena
sy mba feno hatsarana.




Izay mamonjy firenena
dia mijery 'reo vahoaka
fa tsy izay fitiavan-tena
hita foana vao mivoaka.




Izay  mamonjy firenena
dia manandratra ny tany
hiandrandra fandresena
ho haravoana sesilany.




Izay mamonjy firenena
dia hipoiram-pitahiana
hitombo tsy hay fefena,
sady ho ela fandidiana.




Fredy JAOFERA