IZAY NOSEDRAINA (Fredy Jaofera)
Pas encore lu
(Nalaina tao amin'ny vetso.serasera.org)
IZAY NOSEDRAINA Izay nosedraina
dia ao an-tsaina
fa tsy eritreretina
sao tonga aretina.
Izay nosedraina,
hery ampiasaina
handrava ny lasa
ho soa ny fikasa.
Izay nosedraina,
tsy mampalaina
fa mampiezaka
tsy hitofezaka !
Izay nosedraina,
tsy ankahalaina,
zary mampitraka
ka tsy mivanaka.
Fredy. JAOFERA
--------
Lien:
