LANY VE ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
LANY VE ?Lany ve ny olomanga
no voatavo tsy mifandraka
ny toa mitondra firenena
sa ireny mbola hitranga
haharavo sy hampatanjaka
‘zato Nosy mahonena ?
Lany ve ny olomanga
no maitso volo ny mijoro
ho an’ny tanindrazana
sa hisy izay hiranga,
hoy aho tsy hampikoro
hivatsy fahombiazana ?
Lany ve ny olomanga
no ireny sisa no mahery
hanova izay tadiavina
sa hisy hanangasanga
any ihany fa tsy hiery
no tsy be hevi-dravina ?
Fredy JAOFERA
--------
Rohy:
Sokajy :
Tanindrazana
Mpakafy:
Zozoro
Hevitra mandeha
benasy
(
14/04/2009 10:18)
Tsy ny votavo no tsy azo fandrahina... Ilay fandraka mihitsy no tsy misy... f'efa very !
