LAVITRA EZAKA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
LAVITRA EZAKAKely dia kely ny fanantenana
mety hipoiran'ny fahagagana
rehefa tsy tazana fa mihavao
'ty Gasikara sy izay olona ao.
Nofin'adala ny hifanampiana
amin'izay ory sy be fijaliana,
mila vonjy sy te hihantahanta
any amin'ity governemanta !
Nofin'adala ny fahamarinana
lafo dia lafo sy azo isikinana
rehefa ny ratsy no efa modely
ho an'ny vahoaka voavelively.
Nofin'adala ny fandrosoana
dradradradraina sy ihamboana
rehefa variana mipetrapetraka
'reo tsy an'asa mila ho ketraka.
Nofin'adala ny fandresena
katsakatsahin'ireo mahonena
rehefa ny saina no toa hafafafa,
tsy mampivoatra na mampitafa.
Fredy JAOFERA
--------
Rohy:
Sokajy :
Tanindrazana