MAHATSARA - Fredy Jaofera

Azo vakiana?

MAHATSARA





Mahatsara ny hambom-po
dia izy namana azo antoka
tsy manery eto hiamboho
fa mainka aza hifantoka !




Mahatsara ny fahavoazana
dia tsy mamela amin'izao :
ho malahelo rehefa tazana
fa mampijoro ka ambarao.




Mahatsara ny fihemorana
dia mampiezaka mangina
eto foana am-pahatsorana,
tsy ahalalana fahakiviana.




Mahatsara ny hakelezana
dia mampirisika ho lehibe,
na matetika ihomehezana
sy ambanina hatrany ange.




Fredy JAOFERA

Mombamomba

Mpanoratra : Fredy Jaofera

Nampiditra : 3004
Daty : 09/01/2022
Mpamangy : 126
Mankafy : 0

Tononkalo hafa

NY RAY AMAN-DRENY TSARA
JIRO
TSY KAMBOTY
MISAOTRA NY MARAINA
LITERATIORAN'NY MASO
REHEFA MAHORY
TSAROAKO FOANA
NY POETY (2)
NY FAHATSORANA
SAFIDIM-PIRENENA