MALAZA (Fredy Jaofera)
Pas encore lu
(Nalaina tao amin'ny vetso.serasera.org)
MALAZA'Reo izay tsy poety malaza
dia ireo izay toa tsy sahaza
ny aingany rehefa vakina
fa olona tia be manakiana.
'Reo izay tsy poety malaza
dia ireo izay tsy mahalaza
ny fihetseham-pony rehetra
raha faly na azon'ny tsetra.
'Reo izay tsy poety malaza,
na tsy avakavahako re aza
dia ireo izay tsy mba mizara
ny asany fa tiana ho tantara.
'Reo izay tsy poety malaza,
dia ireo izay tsy tia mihaza
ireo teny mambabo avokoa
hahakanto ny talentany koa.
Fredy JAOFERA
--------
Lien:
