MAMONY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MAMONYMamony fitoniana
ny raoziko rehetra
ka azom-pifaliana
tsy mba misy fetra.
Mamony fanajana
sarobidy ombieny
tena hahatamana
fa saotra lavareny.
Mamony firosoana
ho any amin'ny soa
sy ny fahazotoana
ny hiasa tsara koa.
Mamony fanginana
hampety izay hatao,
hitory fanambinana
sy maraina vaovao.
Fredy JAOFERA
--------
Rohy:
