MANEFY NY ANJARA (Fredy Jaofera)

MANEFY NY ANJARA





Ny toetra, manefy ny anjara
hahafinaritra etoana na tsia,
hisasatra mba hisy amboara
'reo ezaka atao ka matokia.




Ny saina, manefy ny anjara
tsy hisosososo any an-kady,
tsy hirefareha any am-para
fa manana harena sahady !




Ny ratsy, manefy ny anjara
ho maizina ny fiainana eto,
ho reraka rehefa ho tantara,
tsarovy izay na mba raketo.





Ny sedra, manefy ny anjara
hitarafana ity fahamatorana
mahay mitaona lesona tsara
mendrika lava ny hizorana.




Fredy JAOFERA
--------