Maro angamba (Fredy Jaofera)

Maro angamba irony andro

Mahay mandroaka tebiteby,

Fa ianao no ‘lay masoandro

Tsy mba mahay mandrebireby.

Maro angamba irony akanga

Mahay mandrava izay manjo;

fa ianao no tena manga

sy mbola tiako be tokoa.

Maro angamba irony kintana

Mitondra hira tsy hita isa,

Fa ianao no tena vintana,

Mbola ahitako paradisa.

Maro angamba irony lisy

Mahay mihira soa aman-tsara,

Fa ao aminao no tena misy

‘lay fitia tsy voatantara.

Fredy JAOFERA
--------