MATY SA MATORY ? (Fredy Jaofera)

MATY SA MATORY ?





Moa ve maty sa matory
'reo tsy foy sy efa lasa ?
Moa ve maty fa mamory
'reo izay tiana sy kinasa ?



Moa ve maty sa matory
'reo natambatra ho iray ?
Moa ve maty fa mitory
ny haravoana ranoray ?



Moa ve maty sa matory
'reo nivadika ho Fanahy ?
Moa ve maty ka mba tsory
fa ny lalako eny toa voatahy ?



Moa ve maty sa matory
'reo efa natelin'ito taona ?
Moa ve maty fa tsy ory
ny hitahita manoloana ?





Fredy JAOFERA
--------