MIANARA (Fredy Jaofera)

MIANARA





Mianara dia hahay,
tsy lainga akory izay
fa miantoka ho doria
ny hoavy tsy hikodia.




Mianara dia hivoatra,
na tsy afa-manoatra
sao hanenina tokoa
ka hivadika ati-doha.




Mianara dia hitombo,
na ilay saina dombo
ka hahavita zavatra
saika ho tsy takatra.




Mianara dia hiranga
eto fa tsy ho banga
ny soa saika tsy hita
rehefa olona tafita.





Fredy JAOFERA
--------