MIKORONTANA (Fredy Jaofera)

MIKORONTANA





Tsy milamina ny saiko
raha tsy eo ianao mitia
isan’andro re, ry aiko,
hampety itony dia.




Tsy mandry ny fanahy
raha tsy eo ianao miravo
hampiova ny ahiahy
nanadala sy nandavo.




Tsy sambatra ny foko
raha tsy eo ianao mihira
haneho fa izay toloko
ho lefy any an-dakira.




Tsy miadana ny hoavy
raha tsy eo ianao mijery
eny ho eny sao hanavy
‘zato tena ka ho very !




Fredy JAOFERA
--------