MIREMBY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
MIREMBYMiremby lamin-tsaina
dia zava-manahirana
sarotra andrandraina
rehefa be fifandirana.
Miremby fihavanana
dia fiainan-tsarobidy
raha iaraha-manana,
na amin'ora mangidy.
Miremby fialamboly
dia fotoana fatratra
tsy mba mahangoly,
na dia mahasasatra.
Miremby fifaliana
dia antoka ho anao
fa dia hisy fihobiana
handrindra ao ho ao.
Fredy JAOFERA
--------
Rohy:
