NAHAFINARITRA (Fredy Jaofera)
Pas encore lu
(Nalaina tao amin'ny vetso.serasera.org)
NAHAFINARITRANahafinaritra ahy
iny lohanao nihodina,
na dia tsy nahasahy
nanaitra amin’ny sodina.
Nahafinaritra ahy
iny masonao nangarika,
na dia tsy voatahy
ny ora izay voamarika.
Nahafinaritra ahy
iny volonao nakopaka,
na tsy mba nanahy
‘zay tsapa ho nitobaka.
Nahafinaritra ahy
iny bikanao nandeha,
na tsy haiko, lahy,
ny tao am-po tsy re !
Fredy JAOFERA
--------
Lien:
Catégorie :
Fitiavana
