NATAOKO IHANY (Fredy Jaofera)
Pas encore lu
(Nalaina tao amin'ny vetso.serasera.org)
NATAOKO IHANYNataoko ihany izay hoe hanadino
ny sangisangy fanao re, ry tiana,
kanefa tsy nety ka indro vimbino
'zao kalokalo tsy fanta-piaviana.
Nataoko ihany izay hoe hanafoana
ny fahatsiarovana maro dia maro
kanefa tsy nety fa zary nampihaona
ny omaly sy anio izay toa mifangaro.
Nataoko ihany izay hoe hanalana
ny fitiavako anao tsy ho ato am-po
kanefa tsy nety fa mitoetra, mazàna,
raha miroborobo lava sy mbola tsy lo.
Nataoko ihany izay hoe hanajanona
'ty tanako ity tsy hanoratra intsony
kanefa tsy nety fa mainka nihavanona
raha mbola ho anao no tsarotsaroany.
Fredy JAOFERA
--------
Lien:
Catégorie :
Fitiavana
Fans:
katita
