NY ANDRON'NY FAHAZAZANA (Fredy Jaofera)

NY ANDRON'NY FAHAZAZANA





Ny andron'ny fahazazana,
andron'ny tsy fahalalana
fa nanoritra teny sahady
ny fiainako ho be adiady.




Ny andron'ny fahazazana,
andron'izay fahabangana
tsy tsaroana ho nanorana
fa nanehoana fahatsorana.




Ny andron'ny fahazazana,
andron'ny tsy azo fafana
fa nipoiran'ireo disadisa
nandrava an'ity paradisa.




Ny andron'ny fahazazana,
andron'ireo be fandrarana
fa mamiko loatra, na izany,
ka mbola mahalasa vinany.





Fredy JAOFERA
--------