NY ASAM-PANORATANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY ASAM-PANORATANANy asam-panoratana
dia talenta lalandava
entina hanandratana
ito teny tsy ho rava !
Ny asam-panoratana
dia ainga mahaliana
mitranga mivantana
fa tsy fanahy iniana.
Ny asam-panoratana
dia antso any ho any
mitory sy mitantana
ny misy tsy hita lany.
Ny asam-panoratana
dia harena anankiray
mba hamirapiratana
rehefa kanto izay !...
Fredy JAOFERA
--------
Rohy: