NY BAIBOLY (Fredy Jaofera)

NY BAIBOLY






Sokafy ny baiboly
rehefa ketraka sy osa
fa halan'ny devoly
sy hampitony eto kosa.



Sokafy ny baiboly
rehefa tian'ny fanahy
fa hampiala voly
no toky tsy hampanahy.



Sokafy ny baiboly
rehefa te ho sambatra
fa tsy hampangoly,
hoy aho tsy miambatra.



Sokafy ny baiboly
rehefa hidera ny Avo
Ka aza mba miholy
fa mainka hampiravo.




Fredy JAOFERA
--------