NY FANABEAZANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY FANABEAZANAFampitana fahalalana
fitoeram-pahazavana,
miaro fahombiazana
raha ny fanabeazana.
Fampitana fahendrena
mamirapira-bolamena,
namana eto sy mahitsy
tsy hanary anao mihitsy.
Fampitana soatoavina
hampety ny hodiavina,
hampihaja any aoriana
rehefa feno fitahiana.
Fampitana kolontsaina
sarobidy raha lazaina
ka na ahoana na ahoana
dia manavaka eny foana.
Fredy JAOFERA
--------
Rohy:
Mpakafy:
JAMESTIGA
