NY FANAHY FA TSY NY VOLA (2) (Fredy Jaofera)

NY FANAHY FA TSY NY VOLA





Ny fanahy fa tsy ny vola
no mahafinaritra ahy mankany
raha mihira sy hoe mbola
mitady anao hahafaly hatrany.




Ny fanahy fa tsy ny vola
no mahatamana marimarina
raha mitombo fa tsy tola
ny fitia tsy hay amboarina !




Ny fanahy fa tsy ny vola
no mampazoto hiray tigetra
rehefa misy 'zay angola
mahay manova irony tsetra.




Ny fanahy fa tsy ny vola
no mampitoetra  izato foko
rehefa mahazo doladola,
sy hamamiana izay misoko.




Fredy JAOFERA
--------