NY FIADANANA - Fredy Jaofera

Azo vakiana?

NY FIADANANA





Ny fiadanana dia fitiavana
mandroaka ny aizina maro,
miezaka ery hampihavana
antsika rehetra hifangaro.




Ny fiadanana dia fitoniana
mitandro ny soa lalandava
hiainana hatrany hafaliana
mahay maneho ny mazava.




Ny fiadanana dia fanajana
mivimbina fifankahazoana
mendrika eto hahatamana
ny lalana tiana hirosoana.




Ny fiadanana dia fiainana
milamina ao amin'ny Ray
tsy mitondra fitarainana
fa ny fiderana ranoray.




Fredy JAOFERA

Mombamomba

Mpanoratra : Fredy Jaofera

Nampiditra : 3004
Daty : 17/04/2022
Mpamangy : 214
Mankafy : 0

Tononkalo hafa

AZA MIARAKA AMIN'NY ADALA
HIPOITRA NY KINTANA
SAINA AMBANY
HABOBO
MIREMBY
VOLA NY FOTOANA
ANDOSIRO
NY POLITIKAN'NY TROSA
NY TENY MISY FANAHY
NY OTA