NY FIRENEKO NO TANINDRAZAKO (Fredy Jaofera)

NY FIRENEKO NO TANINDRAZAKO





Ny fireneko no tanindrazako
ngeza avy tamin'ilay Nahary
ho reharehako sy ho lazako,
na dia tsy hita ho lavorary !




Ny fireneko no tanindrazako
nandatsahana an'ity tavony,
satry ery ho fahombiazako
tsy hampahory ahy intsony.




Ny fireneko no tanindrazako
mba holovain'ireo taranaka
matoa izany no amohazako
indrindra amin'ny zanaka.




Ny fireneko no tanindrazako
manan-kasina sy lavi-tsiny
raha hatramin'izao, giazako
tsy hobodoin'ireo vahiny !




Fredy JAOFERA
--------