NY FITIAVANA (Fredy Jaofera)

NY FITIAVANA




Rehefa misy ny fitiavana
tsy fanesoana no tigetra
fa fanajana tomandavana
tsy hihoatra 'tony fetra.



Rehefa misy ny fitiavana,
tsy araraotina 'zay tiana
fa falifaly sy te hihavana
no mamoaka fitsikiana.



Rehefa misy ny fitiavana,
tsy konjokonjo no aseho
raha misy izay finiavana
te hanova an'izay toreo.



Rehefa misy ny fitiavana,
hafinaretana no mba hita,
hirahira no ahatongavana
sy orokoroka tsy vita !...




Fredy JAOFERA

.
--------