NY FOKO NO POETY (Fredy Jaofera)

NY FOKO NO POETY





Ny rima izay mivoaka
raha toa ka metimety,
tsy nampiasana toaka
fa ny foko no poety.




Ny ainga izay misosa
raha ambara vetivety
tsy mirediredy kosa
fa ny foko no poety.




Ny vetso izay mitsiry
raha feno sy tia fety,
tsy tery na mba kiry
fa ny foko no poety.




Ny kanto izay miseho
raha harena sy mitety,
tsy tonga ho azy teo
fa ny foko no poety.




Fredy JAOFERA
--------