Ny foko sy ny fonao - Fredy Jaofera

Azo vakiana?

     Mazava tsy azo takonana,
     Tsy ravan’izay fialonana,
     Tsy taitran’izay maso vao
     Raha ny foko sy ny fonao.
Ny Avo no efa nanambatra,
Natao hiaraka ho sambatra,
Natao hiaraka hiangola,
Hitobaka harena sy vola.
     Ny Anjara no efa nametra
     Hibaiko ny zava-drehetra
     Ary hitondra ity tany ity
     Haneho ilay tena fitia.
Ny Lahatra no efa voatendry
Handrafitra soratra hendry,
Hampitombo ireo voninahitra
Hitsimoka tahaka ny ahitra.
     Ny Vintana no efa voambara
     Hitetika ny soa sy ny tsara,
     Hivatsy izay hoe hafaliana,
     Notadiavina sy mba nofidina.
Ny taona no mbola hifanesy
Hampiainga mbola handresy;
Fa ny foko sy ny fonao
Dia najoro tsy hifandao.
     Fredy JAOFERA

Hametraka hevitra

Midira aloha

Mombamomba

Mpanoratra : Fredy Jaofera

Nampiditra : hery
Daty : 04/02/2004
Mpamangy : 2145
Mankafy : 4

Tononkalo hafa

NY ASAM-PANORATANA
FOFONY
FON-DRAY
MANANA AINA
NY PENINA
VAOVAO NY TAONA
TSY HAY HADINOINA
RAHA TEO FOANA
MPANJAKA NO TERAKA
SOMARY