NY TENY MISY FANAHY (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY TENY MISY FANAHYNy teny misy fanahy,
itoeram-pahendrena,
manampy sy miahy
ra' tojo faharesena.
Ny teny misy fanahy,
feno fampianarana
tsy mitandro ahiahy
fa mainka fivoarana.
Ny teny misy fanahy,
manaja tsisy farany,
henoy fa mahasahy
mitady izay anarany.
Ny teny misy fanahy,
tsy misy haratsiana
fa teny izay voatahy
ka tokony hitokiana.
Fredy JAOFERA
--------
Rohy:
