NY VAVAKA VE ? (Fredy Jaofera)
Mbola tsisy niantsa
(Nalaina tao amin'ny vetso.serasera.org)
NY VAVAKA VE ?Ny vavaka no manokatra
ny varavarana rehetra
vao indro hitera-bokatra
ny faniriana sy tigetra.
Ny vavaka no manokatra
ny lamin-tsaina tony
vao indro ho hita soratra
ny fiderana ambony.
Ny vavaka no manokatra
ny fiadanana tokoa
vao indro hisaotra, ohatra,
fa dia nahazo soa.
Ny vavaka no manokatra
ny hafaliana maro
vao indro hiaka-tohatra
hiantsa fa voaaro.
Fredy JAOFERA
--------
Rohy:
