RAHA HALA-BATO... (Fredy Jaofera)
Pas encore lu
(Nalaina tao amin'ny vetso.serasera.org)
RAHA HALA-BATO...Raha hala-bato
no nahazoana fahefana
dia ato ho ato
krizy be no hiafarana.
Raha hala-bato
no nahitana fandresena
dia tsy hiato
ny jaly tsy hay fefena.
Raha hala-bato
no nahazoana toerana
dia efa ahirato
ny maso fa tsy ferana....
Raha hala-bato
no hany fahamarinina
dia iny harato
tsy hisy fanambinana.
Fredy JAOFERA
--------
Lien:
Catégorie :
Politika - Fampaherezana - Tanindrazana - Eritreritra mandalo - fiainana - Aingam-panahy
