RAOZIM-PAHAVARATRA (Fredy Jaofera)

RAOZIM-PAHAVARATRA





Hanitra iray vao maraina
ny raozim-pahavaratra
mamoha ho azy ny saina
fa zava-boalahatra !




Namana iray mahavariana
ny raozim-pahavaratra,
fa mitondra ahy fitoniana,
na niharan'ny varatra.




Nofim-pitiavana tsy hita
ny raozim-pahavaratra
raha indro mbola mampita
ny soa tsy mitsahatra.




Raozy iray mahafinaritra
ny raozim-pahavaratra,
na kotsa foana maharitra
sy tsy hita mitaratra.




Fredy JAOFERA
--------