REHEFA TAPITRA NY FANANTENANA (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA TAPITRA NY FANANTENANARehefa tapitra ny fanantenana
dia hanomboka ny fitomaniana
hipatrapatraka mila hafampana,
n'aiza n'aiza no mba hatoriana.
Rehefa tafitra ny fanantenana
dia hanomboka ny fahaverezana,
resaka ho azy toa mora hofafana
'reo ezaka maro izay nikelezana.
Rehefa tapitra ny fanantenana
dia hanomboka ny hamaizinana
hanarona ange tsy hay horarana
'rony sedra tsy tsara hiankinana.
Rehefa tapitra ny fanantenana
dia hanomboka ny fahafatesana,
toerana hafa no hatao fanjakana
ary hovana re izay fandrefesana.
Fredy JAOFERA
--------
Rohy:
