RY FANAHY MASINA, AVIA ! (Fredy Jaofera)

RY FANAHY MASINA, AVIA !





Ry Fanahy Masina, avia,
kitiho ange ny fiainanay,
midìna moa ka malakia
hanova ny ela nahamay.




Ry Fanahy Masina, avia,
tanteraho ireo tarigetra
fa izay tonga toa minia
manadala ka mitsetra.




Ry Fanahy Masina, avia,
soloy moa ny fahoriana
ho hasambarana ny dia
anio no mba faniriana.




Ry Fanahy Masina, avia,
sokafy etoana ny lanitra
fa satry ombieny hangia
ny sitrak'Andriamanitra.





Fredy JAOFERA
--------