You are here: home > Vetso

RY FIRENEKO ! - Fredy Jaofera

Azo vakiana?




RY FIRENEKO !





Tiako ho anao, ry fireneko,
no handatsahako ny aiko
fa efa tanjona kendreko
ny hanondrotra fa baiko.




Tiako ho anao, ry fireneko,
ny hisian'ny fanambinana
fa faniriana mbola ekeko
ny hanjakan'ny filaminana.




Tiako ho anao, ry fireneko,
'reo rehetra ka haravoana
mbola ho hery na ho seko
rehefa tanim-pandrosoana.




Tiako ho anao, ry fireneko,
ny hasambarana katsahiko
fa ao aminao no fandreseko
tena hampitony ny fanahiko.




Fredy JAOFERA