SAMBATRA (2) (Fredy Jaofera)
(Nalaina tao amin'ny vetso.serasera.org)
SAMBATRANa ratsy aza ny vintana
ka tsy ahitana fintana
mitobaka hanjonoana
ny tiana ho haravoana
dia sambatra aho, malala
raha eo ianao tsy miala.
Na ratsy aza ny andro,
toa tsy be masoandro
mitondra ny hazavana
sy izay mbola hafanana
dia sambatra aho fa arira
raha eo ianao mba mihira.
Na ratsy aza ny lalana
ka mila ho mahalana
vao mba misy tsaratsara
dia izao no azo ambara
sambatra aho, ry tiako,
raha eo ilay fifaliako.
Fredy JAOFERA
--------
Rohy:
