SAROTRA NY MIERITRERITRA (Fredy Jaofera)

SAROTRA NY MIERITRERITRA





Sarotra ny mieritreritra
matoa ny olona mitsara
tsy mba manan-kevitra
ka dia izao no miafara.




Sarotra ny mieritreritra
matoa ny olona mamely,
tsy azony ka dia tezitra
ireo nofinofy tiany hiely.




Sarotra ny mieritreritra
matoa ny olona mifosa ;
tsy hainy ny mandefitra
rehefa ratsy no misosa.




Sarotra ny mieritreritra
matoa ny olona mibaby
ny olana, na ao an'efitra
na any ivelany izy jiaby.





Fredy JAOFERA
--------