SOA (Fredy Jaofera)

SOA




Soa fa tao ny ranomaso
nanamboatra sy nanefy
ny ora maro be an-kaso
ho hafaliana tsisy fefy.



Soa fa tao ny tebiteby
nanamafy sy nitondra
ny taona izay nandreby
tsy ho adala na apondra.



Soa fa tao ny rivo-doza
nandravarava sy nanitsy
ho metimety tsy hitavoza
sy ny ho olona mihitsy.



Soa fa tao ny fahoriana
nankahery sy nanampy
mbola hahazo fitahiana
nisinisy sy niantsampy.





Fredy JAOFERA
--------