TAHAKA ANAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
TAHAKA ANAOTahaka anao irery
ny raozy tiana hananana
hanova izato fery
ho hirahira sy fiadanana.
Tahaka anao ihany
no iriko hampionona ahy
rehefa misy izany
ny mampahory ny fanahy.
Tahaka anao tokoa
no malala izay tadiavina
mba tsy hampifoha
ny Lasa nihitsan-dravina.
Tahaka anao monja
no efa nofiko hatry ny ela
raha injao manonja
ny fitia izay tsy mamela.
Fredy JAOFERA
--------
Rohy:
Sokajy :
Fitiavana
