TOKANA - Fredy Jaofera

Azo vakiana?

TOKANA





Maro ny raozy any an-jaridaina,
azoko ambara sy hay tanisaina,
mahafalifaly raha vao eny ho eny
fa tokana ihany ianao re, ry Neny.




Maro ny vorona misidina ambony
haingon’ny lanitra sy mampitony,
kanefa tsarovy fa na iza miteny :
tokana ihany ianao re, ry Neny.




Maro ny trondro anatin’ny rano
mahavariana ka avia mba tazano,
misosa foana ka mamiko ombieny
fa tokana ihany ianao re, ry Neny.




Maro ny kintana rehefa ririnina
mamiratra lava raha fintimpintinina
sy maharevorevo ’zato fo lavareny
fa tokana ihany ianao re, ry Neny.







Fredy JAOFERA

Mombamomba

Mpanoratra : Fredy Jaofera

Nampiditra : 3004
Daty : 07/06/2009
Mpamangy : 1385
Mankafy : 1

Tononkalo hafa

AMPY
TSY FANOME SARORO
NY OLON-TIAKO
TSAPA
FANDREBIREBENA
OLON-DAINGA
MITSAHATRA
NOFOANAKO
TRANOM-PITAKA
MIBORIDANA