TONTOLO TSISY BOKY (Fredy Jaofera)

TONTOLO TSISY BOKY





Tontolo tsisy boky,
lavi-pampianarana ;
tontolo tsisy toky
milaza fivoarana.




Tontolo tsisy boky,
banga fandalinana ;
tontolo tsisy roky
azonao iankinana.




Tontolo tsisy boky,
manimba ny hoavy ;
tontolo tena goky
tsy hamiratra avy.




Tontolo tsisy boky,
tsy manoka-tsaina ;
tontolo ka aza loky,
sarotra antenaina.





Fredy JAOFERA
--------