TOY NY FITARATRA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
TOY NY FITARATRA





Ny fiainana toy ny fitaratra
raha itsikiana, miverina aminao,
tadidio etoana rehefa hanakatra
ny marina ery manomboka izao.




Ny fiainana toy ny fitaratra
ra' itomaniana, miverina aminao,
tsy hisy farany 'reo oram-baratra
fa mainka hamonto irony raorao.




Ny fiainana, toy ny fitaratra
raha itiavana, miverina aminao,
na aiza na aiza no handahatra
an'izany ombieny ka ambarao.




Ny fiainana, toy ny fitaratra
raha esoina, miverina aminao,
ho maivana foana ny hiraratra
fa mainka hofosain'ny kalalao.




Fredy JAOFERA
--------
Rohy:
470 0
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 20/11/2021 19:13
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0118