You are here: home > Vetso

TSANGAMBATO SOA - Fredy Jaofera

Azo vakiana?



TSANGAMBATO SOA





Tsangambato soa
no atsangako mangina
hampihaja tokoa
ny tantara nambanina.




Tsangambato soa
no arafitro eto an-tany
tsy hipody indroa
ny alahelo sy tomany.




Tsangambato soa
no ajoroko eto marina
ho faty ny taloha
raha injao amboarina.




Tsangambato soa
no atefy hahafinaritra
ny ora mamoha
hirahira ka tsy aritra.




Fredy JAOFERA