TSY FENO (Fredy Jaofera)

TSY FENO





Tsy feno ny haravoako
raha tsy ianao mifaly,
ry tiako mba nahazoako
ny mamy sy voangaly.



Tsy feno ny hirahirako
raha tsy eo ianao mikalo
hatramin’ny namikirako
teny ho eny vao nandalo.



Tsy feno ’zay fitiavako
raha tsy eo ianao mitory
ny tsirony hahatongavako
ho tretrika…Tsy ory !



Tsy feno ’zay fiadanako
raha tsy eo ianao milaza
‘reo vetsovetso ananako,
toa maromaro sy sahaza.




Fredy JAOFERA
--------