Ampidiro aloha ny tenimiafina
TSY MANDEHA NY FITANTANANA (Fredy Jaofera)
Pas encore lu
(Nalaina tao amin'ny vetso.serasera.org)
TSY MANDEHA NY FITANTANANATsy mandeha ny fitantanana
raha mitotongana ny ariary,
tsy hay raha ho tombanana
izay mbola ho vidim-bary.
Tsy mandeha ny fitantanana
raha miaka-dava ny lasantsy
fa tsy mba misy fanakanana
ny hisondrotany eto mantsy.
Tsy mandeha ny fitantanana
raha mikaikaika ny vahoaka,
mba rediredy izay fiadanana
fa tsy ho hita hahatafavoaka.
Tsy mandeha ny fitantanana
raha krizy foana no mipoitra,
nofy hatrany no ananganana
firenena efa ela tsy nizotra.
Fredy JAOFERA
--------
Lien:
Catégorie :
Fahantrana - Fampaherezana - fanantenana - Fiaraha-monina - Tanindrazana - Eritreritra mandalo - fiainana - Aingam-panahy
